Breaking News

ສະຖານີໄຟຟ້າ 230 ກິໂລໂວນ ປາກມອງ 02 ຕັ້ງຢູ່ເມືອງນໍ້າບາກ ແຂວງຫຼວງພະບາງ ສະ​ໜອງ​ໄຟຟ້າ​ໃຫ້ແກ່​ເສັ້ນທາງ​ລົດໄຟ​ໄດ້ແລ້ວ​

ສຶກສາຂໍ້ມູນ “ສະຖານີໄຟຟ້າ 230 ກິໂລໂວນ ປາກມອງ 02 ສາມາດສະໜອງໄຟຟ້າ ໃຫ້ແກ່ເສັ້ນທາງລົດໄຟລາວ-ຈີນແລ້ວ”.

(1). ສະຖານີໄຟຟ້າ 230 ກິໂລໂວນ ປາກມອງ 02 ຕັ້ງຢູ່ເມືອງນໍ້າບາກ ແຂວງຫຼວງພະບາງ, ສູນກາງເຊື່ອມໂຍງຕາຂ່າຍໄຟຟ້າທາງພາກເໜືອຂອງ ສປປ ລາວ ໄດ້ເປັນພາກສ່ວນໜຶ່ງຂອງການສະໜອງໄຟຟ້າໃຫ້ທາງລົດໄຟລາວ-ຈີນ ແລະ

ປັດຈຸປັນນີ້ ລັດວິສາຫະກິດໄຟຟ້າລາວ ກັບບໍລິສັດ ຕາຂ່າຍໄຟຟ້າພາກໃຕ້ຈີນ ( CSG ) ກຳລັງຕັ້ງໜ້າຊຸກຍຸ້ໃຫ້ມີການຮ່ວມມື ໂຄງການສາຍສົ່ງໄຟຟ້າແຮງສູງ 500 ກິໂລໂວນ ເພື່ອຮອງຮັບລະບົບການໄຫລວຽນຂອງພະລັງງານໄຟຟ້າໃຫ້ເຕັມທີ່;

(2). ສະຖານີໄຟຟ້າປາກມອງ 02 ມີຈຸດພິເສດ ແມ່ນຕັ້ງຢູ່ໃຈກາງລະຫວ່າງການສົ່ງຕໍ່ຕາຂ່າຍໄຟຟ້າໃນເຂດພາກເໜືອຂອງ ສປປລາວ, ເຊິ່ງເປັນ 01 ໃນ 10 ສະຖານີໄຟຟ້າຂອງໂຄງການສະໜອງໄຟຟ້າໃຫ້ແກ່ທາງລົດໄຟລາວ-ຈີນ, ມີເນື້ອທີ່ 09 ກວ່າເຮັກຕ້າ,

ສ້າງຂຶ້ນໃນປີ 2014 ໃນມູນຄ່າການກໍ່ສ້າງປະມານ 30 ລ້ານໂດລາສະຫະລັດ ແລະ ເປີດນຳໃຊ້ໃນປີ 2015 ເຊິ່ງລັດວິສາຫະກິດໄຟຟ້າລາວເປັນເຈົ້າຂອງໂຄງການ, ຮັບເໝົາກໍ່ສ້າງໂດຍ ບໍລິສັດ ຕາຂ່າຍໄຟຟ້າພາກໃຕ້ ຢຸນນານສາກົນ;

(3). ບົດບາດໜ້າທີ່ຂອງ ສະຖານີໄຟຟ້າ ປາກມອງ 02 ແມ່ນການຄຸ້ມຄອງບຳລຸງຮັກສາສາຍສົ່ງ 115 ກິໂລໂວນ ແລະ 230 ກິໂລໂວນ ເຊິ່ງມີຄວາມຍາວ 5,000 ກວ່າກິໂລແມັດ ແລະ ສະຖານີໄຟຟ້າແຮງສູງ 41 ແຫ່ງ ແລະ ພະນັກງານທີ່ເຮັດວຽກວິຊາສະເພາະຈຳນວນ 500 ກວ່າຄົນ ແມ່ນເປັນພະນັກງານຈາກລັດວິສາຫະກິດໄຟຟ້າລາວ;

(4). ສະຖານີໄຟຟ້າປາກມອງ 02 ຍັງບໍ່ສາມາດຮອງຮັບລະບົບ ເອັນລົບໜຶ່ງ (N-1) ເຊັ່ນການລຳລຽງໄຟຟ້າທີ່ມີຄວາມສະຖຽນລະພາບເຕັມທີ່ ເພາະຖ້າໄຟຟ້າເກີດການຂັດຂ້ອງແບບສຸດວິໄສເປັນຕົ້ນແມ່ນ ຟ້າຜ່າ ໄດ້ສົ່ງຜົນກະທົບໂດຍກົງຕໍ່ການແລ່ນຂອງລົດໄຟລາວ-ຈີນ;

(5). ຄະນະຮັບຜິດຊອບທີ່ກ່ຽວຂ້ອງກໍໄດ້ເລັ່ງແກ້ໄຂຢ່າງຮີບດ່ວນ, ຕໍ່ບັນຫາດັ່ງກ່າວ ທາງບໍລິສັດຕາຂ່າຍໄຟຟ້າພາກໃຕ້ ຢຸນນານສາກົນ ຮ່ວມກັບ ບໍລິສັດ ລົງທຶນພະລັງງານໄຟຟ້າລາວ-ຈີນ ແລະ ລັດວິສາຫະກິດໄຟຟ້າລາວ ຈະໄດ້ສ້າງລະບົບສາຍສົ່ງໄຟຟ້າແຮງສູງ 500 ກິໂລໂວນ

ໃນມໍ່ໆນີ້ ທີ່ເມືອງນາໝໍ້ ແຂວງອຸດົມໄຊ ເພື່ອຮອງຮັບລະບົບການໄຫລວຽນຂອງພະລັງງານໄຟຟ້າໃຫ້ມີສະຖຽນລະພາບຢ່າງເຕັມທີ່ ແລະ ປະສິດທິພາບສູງ ເພື່ອແກ້ໄຂບັນຫາໄຟຟ້າຂັດຂ້ອງດັ່ງກ່າວ;

(6). ສຳລັບໂຄງການສະໜອງໄຟຟ້າໃຫ້ທາງລົດໄຟລາວ-ຈີນ ມີຄວາມຍາວທັງໝົດ 257 ກິໂລແມັດ, ມີຫລັກເສົາໄຟຟ້າທັງໝົດ 633 ຕົ້ນ, ສະໜອງພະລັງງານໄຟຟ້າໃຫ້ແກ່ສະຖານີລາກແກ່ທັງໝົດ 10 ສະຖານີ ຜ່ານ 04 ແຂວງ ແລະ 01 ນະຄອນຫລວງຄື:

ແຂວງຫລວງນໍ້າທາ, ແຂວງອຸດົມໄຊ, ແຂວງຫລວງພະບາງ, ແຂວງວຽງຈັນ ແລະ ນະຄອນຫລວງວຽງຈັນ ແລະ ມາຮອດປະຈຸບັນນີ້ໂຄງການໄດ້ສະໜອງໄຟຟ້າໃຫ້ທ່າງລົດໄຟລາວ-ຈີນແລ້ວ 35 ລ້ານກວ່າກິໂລວັດໂມງ;

(7). ເສັ້ນທາງລົດໄຟລາວ-ຈີນ ເຮັດໃຫ້ປະຊາຊົນມີຄວາມສະດວກໃນການເດີນທາງ, ວຽກງານຄົມມະນາຄົມຂົນສົ່ງລະຫວ່າງປະເທດ ມີຄວາມວ່ອງໄວ, ສະດວກສະບາຍ, ຊ່ວຍດຶງດູດນັກລົງທຶນຈາກຕ່າງປະເທດເຂົ້າມາລົງທຶນ, ອຸດສະຫະກຳການທ່ອງທ່ຽວມີການຂະຫຍາຍຕົວຢ່າງວ່ອງໄວ ເຊິ່ງເປັນການຊ່ວຍພັດທະນາເສດຖະກິດຂອງຊາດໃຫ້ເຂັ້ມແຂງ ແລະ ທັງເປັນການເຊື່ອມສາຍສຳພັນລາວ-ຈີນໃຫ້ແໜ້ນແຟ້ນຍິ່ງຂຶ້ນ

ທີ່ມາ (ວິທະຍຸກະຈາຍສຽງ ແຫ່ງຊາດລາວ).

Check Also

ພົບ ຊ່າງໄຟຟ້າທີ່ຖືກໄຟຟ້າຊັອດ ໃນຂະນະເຮັດຂົວຂ້າມນໍ້າມ່າ ເມືອງແອດ ແຂວງຫົວພັນ ແລ້ວ​

ວັນທີ 30 ກັນຍາ 2022 ຜ່ານມານີ້ ເກີດເຫດໄຟຟ້າຊັອດຊ່າງໄຟຟ້າ ທີມງານກໍ່ສ້າງຂົວຂ້າມນໍ້າມ່າ ບ້ານຊຽງຄູນ ເມືອງແອດ ແຂວງຫົວພັນ ໂດຍບໍ່ຮູ້ຊາຕາກຳ ຫລາຍພາກສ່ວນໄດ້ມີການຄົ້ນຫາ ແຕ່ບໍ່ພົບ. ຫລ້າສຸດ ຫ້ອງການ …

Leave a Reply

Your email address will not be published.