Breaking News

ຕຳຫລວດໄທ ຈັບຊາຍ 2 ຄົນ ທີ່ນຳເອົາເງິນໃບ 100 ໂດລາປອມ ຈຳນວນ 5.000 ໃບ ມາແລກປ່ຽນເງິນບາດນຳຮ້ານແລກປ່ຽນ

ສຳນັກຂ່າວ The Reporter ຂອງໄທ ໄດ້ລາຍງານຂ່າວວ່າ: ວັນທີ 5 ສິງຫາ 2022 ຜ່ານມາ, ເຈົ້າໜ້າທີ່ສາຍກວດ ແລະ ຕໍາຫລວດຈະລາຈອນ, ສະຖານີປະທຸມວັນ ຮ່ວມກັນຈັບຕົວ ທ້າວ ແອດມິນ ອາຍຸ 48 ປີ, ເປັນຄົນແຂວງ ພັດທະລຸງ ແລະ ທ້າວ ອັບດູນຣາມານ ອາຍຸ 45 ປີ ເປັນຄົນແຂວງສົງຂາ ພ້ອມຂອງກາງເງິນໂດລາ ໃບ 100 ໂດລາ, ຈຳນວນ 5.000 ໃບ, ຄິດໄລ່ເປັນເງິນໄທປະມານ 18 ລ້ານບາດ, ເຈົ້າໜ້າທີ່ຈັບຕົວໄດ້ ຢູ່ຮ້ານແລກປ່ຽນເງິນຕາ ສະຫຍາມເອັກເຊນ ເຂດປະທຸມວັນ, ກຸງເທບ.

ຈາກການສອບສວນ, ຜູ້ຖືກຫາສາລະພາບວ່າ: ໄດ້ເດີນມາຈາກແຂວງ ພັດທະລຸງ ແລະ ໄດ້ເງິນມາຈາກການຂາຍສວນຢາງພາລາຢູ່ພາກໃຕ້ຂອງໄທ ໂດຍຜູ້ຊື້ເປັນຄົນໄທ, ແຕ່ຕຳຫລວດຍັງບໍ່ເຊື້ອຄຳໃຫ້ການຂອງຜູ້ກ່ຽວ.

ຄາດວ່າຈະຖືກຈ້າງໃຫ້ນຳເງິນດັ່ງກ່າວນັ້ນມາແລກປ່ຽນເງິນ ດັ່ງນັ້ນ, ຈຶ່ງໄດ້ນຳຕົວຜູ້ກ່ຽວທັງສອງພ້ອມຂອງກາງມາມອບໃຫ້ເຈົ້າໜ້າທີ່ສະຖານີເມືອງປະທຸມວັນ ເພື່ອດຳເນີນຄະດີຂໍ້ຫາ “ປອມ ແລະ ນໍາໃຊ້ທະນະປອມ”

- 5754c7ea d5aa 41c0 b257 1bf4866db55f 1 1024x683 - ຕຳຫລວດໄທ ຈັບຊາຍ 2 ຄົນ ທີ່ນຳເອົາເງິນໃບ 100 ໂດລາປອມ ຈຳນວນ 5.000 ໃບ ມາແລກປ່ຽນເງິນບາດນຳຮ້ານແລກປ່ຽນ

ພ້ອມກັນນັ້ນ, ໄດ້ປະສານສົມທົບກັບເຈົ້າໜ້າທີ່ຂອງສະຖານທູດອາເມລິກາ ກວດເບິ່ງຂໍ້ມູນເຫັນວ່າ ມີການຜະລິດທະນະບັດປອມທີ່ຖືກຈັບກຸມໄດ້ໃນປີ2021 ຢູ່ແຂວງນະຄອນປະຖົມ ໂດຍມີເຄື່ອງພິມສູນຫາຍໄປ 1 ໜ່ວຍ ໃນຂະນະນັ້ນ,

ດັ່ງນັ້ນ ຈຶ່ງຄາດວ່າອາດເປັນເງິນໂດລາທີ່ພິມຈາກເຄື່ອງພິມດັ່ງກ່າວ.

ດັ່ງນັ້ນ, ການໃຊ້ເງິນຕາຕ່າງປະເທດ ຕ້ອງມີສະຕິລະມັດລະວັງ ກວດຄືນໃຫ້ແນ່ໃຈທຸກຄັ້ງກ່ອນອອກຈຳໜ່າຍ ຫລື ແລກປ່ຽນ ເພື່ອຄວາມໝັ້ນໃຈ.

Check Also

ພໍ່ໃຈອຳມະຫິດ ເອົານ້ຳມັນ ເທໃສ່ລູກ

ພໍ່ໃຈອຳມະຫິດ ເອົານ້ຳມັນ ເທໃສ່ລູກຫວັງເຜົາໃຫ້ຕາຍ ໂຊກດີຊ່ວຍໄວ້ທັນ ເຫດການນີ້ພໍ່ໄຊ້ນ້ຳມັນເທຫົດລູກອາຍຸ 5ເດືອນ,ເພດຊາຍກະວ່າຈະເຜົາທາງເປັນແຕ່ບໍ່ສຳເລັດ, ຖືກເຈົ້າໜ້າທີ່ພ້ອມດ້ວຍອົງການຈັດຕັ້ງ ບ້ານຊ່ວຍໄວ້ທັນ ເຫດການນີ້ເກີດຂຶ້ນ ຢູ່ບ້ານນາແຫກ,ນະຄອນປາກເຊ, ແຂວງຈຳປາສັກ ນຳໂຕຜູ້ກ່ຽວໄປສຶກສາອົບຮົມຕາມເງື່ອນໄຂ …

Leave a Reply

Your email address will not be published.